قصيدة (نار الحب) شعر شعبي جزائري

اتوحشت الباهية زين او هدرة......هاذي مدة اسنين هجرت عنواني
يا حبي وعلاه ذالقسوة مرة......حبك واد اسحيق جارف اداني
يا عمري يهديك ربي ذالنصرة....قلبي راه اخلاص مذبوح ايعاني
عصفور افقفصو دامي بالقطرة....شوقي ليك ازيدحبك رشاني
كليشي ممسوسعافس عن جمرة....وين الهربة وين ماكثر لمحاني
تنفاسي تنهاد عايش في حيرة...والجسم اتسقممنو وانعاني
يا حبي ارجع ياضي القمرة...يرجع لي عقلي والدموع اعياني
انمتع عيني فيك مزينها نضرة....عالوجه الكريم نعطيك امعاني
الحتجب والعين في اروع صورة...بدقة مرسومين ريشة فناني
خدك بنعمان ساحر بحمورة....والنيف المقدود عصفور اجناني
الشفة عكري والبسمة درة....والصوت الرخيم ناي وكماني
والقد الفتان ماهيش اقصيرة ...لطافة واظرافة واحديث امعاني
والريحة اريج طالع من زهرة....هذا خلق الله مبدع لكواني
حبي نترجاك ارجع ذالخطرة....يتهنى عيشي ويطلع بنياني
هاذو الصورات عنك ياسمرة....يا ريحاليمون طعم الرماني
رابح لتيم عاشق ياحرة......حنيي ياطفلة بجاه الرحماني
اتمو ذالاهات صادق فالنبرة...ولاتسخر مني وتعود اتعاني
امر الحب نار بلا جمرة....اتبكي الرجال بكيي النسوان

باين بلي راه قاعرك العشق خخخخخخ الله يكون في العون