قصيدة من أم رماها ابنها في دار العجزة

هذه قصيدة كتبتها سيدة بعد أن وضعها ابنها في إحدى دور رعاية المسنين بدولة خليجية، وهي القصيدة التي تداولتها الصحافة الخليجية ومنتديات الأنترنيت بكثير من التأثر في إطار الجدل القائم حول جدوى هذه الدور:

وين انت يا حمدان امـك تناديـك
وراك ما تسمـع شكايـا وندايـا
******
يا مسندي قلبي على الدوم يطريـك
ما غبت عن عيني وطيفك سمايـا
******
هذي ثلاث سنين والعيـن تبكيـك
ما شفت زولك زاير يـا ضنايـا
******
تذكر حياتي يوم اشيلك واداريـك
والاعبك دايـم وتمشـي ورايـا
******
ترقد على صوتي وحضني يدفيـك
ما غيرك احد ساكن فـي حشايـا
******
واليا مرضت اسهر بقربك واداريك
ما ذوق طعم النوم صبح ومسايـا
******
ياما عطيتك من حنانـي وبعطيـك
تكبر وتكبـر بالأمـل يـا منايـا
******
لكن خساره بعتني اليـوم وشفيـك
واخلصت للزوجه وانا لي شقايـا
******
انا ادري انها قاسيـه مـا تخليـك
قالت عجوزك مـا ابيهـا معايـ
******ا
خليتني وسط المصحه وانا ارجيك
هذا جزا المعروف وهذا جزايـا
******
يـا ليتنـي خدامـة بيـن اياديـك
من شان اشوفك كل يوم برضايـا
******
مشكور يا ولدي وتشكر مساعيـك
وادعـي لـك الله دايـم بالهدايـا
******
حمدان يا حمـدان امـك توصيـك
اخاف من تلحق تشوف الوصايـا
******
اوصيت دكتور المصحه بيعطيـك
رسالتي واحروفهـا مـن بكايـا
******
وان مت لا تبخل علـي بدعاويـك
واطلب لي الغفران وهذا رجايـا
******
وامطر تراب القبر بدموع عينيـك
ما عـاد ينفعـك النـدم والنعايـا

الله يهديــــــــــــــــه يا رب قولو آميــــــــــــــــــن......

الجنة تحت أقدام الأمهات

لا اله الا الله

استغفر الله ربي وين الرحمه والانسانيه شكرا اخي سعيد موضوع حقيقي وحزين